Hi folks,

Ä heissi Sach isch es worde üse Uftritt am Gwärbeabe vo de Bärner KMU Amt Thun im Restaurant alte Reithalle a dr OHA z’Thun. Für einisch hei aber nid de Politiker ihri Chöpf grouchnet sondern üsi. Ä heissi Sach vor allem wülls i dere Halle öppe 30 Grad oder meh isch gsii u zwöitens wüll mir z’erscht mal mit üsere neue Bassistin dr Emi Bassbabe (alias Emilia Meyer) hei dörfe e Gig spile. Dä Iischtand isch super glunge. E wahri Beriicherig für üsi Band – akkustisch und…..“das darf me scho säge“ ou optisch. Mir freue üs scho uf üsi nächschte Gigs.

Jitz müesst Dir nech aber e no chli gedulde, wüll üse nächscht wird erscht wider am 20. Novämber 2015 i dr alte Schmitte z’Stäffisburg sii.
Wi di meischte wüsse isch das Konzärt aube scho e Monet vorhär usverchouft. Uf üsere Website Reservation – Alte Schmitte Steffisburg 2015 chöit dir aber jitz scho Billet reserviere.

See you…..

PUR – JAM /dl