Moins zäme…

Leaves fall in the cool October air…….dr erscht Bodefroscht isch Gschicht u o dr Niese het scho ume e Zuckerhuet gfasset. Dä het zwar wider möge schmeuze aber es geit einewääg am Winter entgäge. Dr Marronibrater het sech im Bälliz positioniert u glii isch es wider Novämber. U was heisst das was? PUR-JAM ir Aute Schmitte z’Steffisburg zum „sage und schreibe“ 13te Mal. Am 18te Novämber gäh mir ume Gas bi Geissler’s u mir fröie üs we Dir dert o ume drbii syt. Aber Achtig….die 90 Tickets si geng heissbegährt u schnäll usverchouft. Auso tüet doch uf üsere Website Reservation – Alte Schmitte Steffisburg 2016 oder i dr alte Schmitte reserviere. S’git sicher wider „Full House““.

U nääär?

Scho am 3. Dezämber geits wyter mit Chlouserock im Restaurant Kreuz z’Allmendingen. Wär dert vor em Gig no wett ässe, muess unbedingt reserviere. Moser’s Chuchi isch scho letscht Jahr schnäll usverchouft gsii. Mir freue üs uf n’es Widerseh mit Euch i dr Schmitte oder im Chrüz. Am liebschte a beidne Gig’s.

Let’s rock and have fun! See you!

PUR – JAM / dl