Hi folks,

Leaves fall in the cool October air, days grow short and I can’t remember, where I saw you last…..Ja, äs herbschtelet gwaltig. Was heisst das, was? Es isch scho wider Zyt für üse Gig i dr alte Schmitte in Stäffisburg. Es wird der erscht öffentlech Gig sii mit üsere neue Bassistin „Emi Bassbabe“ u scho das isch s’es wärt cho z’luege. Am Frytig 20. Novämber 2015 um 20.30 spile mir zum „sage und schreibe“ 12-te mal bi Edi u Eva Geissler. Dä Event isch heissbegehrt u d’Platzzahl beschränkt. 64 vo 90 Tickets si bereits wäg. Auso wär no nid reserviert het cha das no mache über üsi Homepage, Reservation – Alte Schmitte Steffisburg 2015, oder Dir choufet d’Tickets diräkt i dr alte Schmitte.

Wen:  Frytig 20. November 2015
Zyt:     Gigstart 20.30 Uhr
Wo:     Ir Aute Schmitte z’Steffisburg

Es Ticket chostet: Fr. 20.-

Sit dr drbii? – hoffentlich – mir freue üs uf Euch.

Uf üsere Homepage chöit dir übrigens ou es paar neui Videos vom Konzärt z’Merlige us em 2014 gseh. Die het üse Tonmeischter Benny Wyder suber häre übercho. Göht doch eis ga lose u ga luege. S’het o zwöi mit em Polo drunger.

Bis glii u häbets guet.

PUR – JAM /dl