Hallo zäme

Wow ! Isch das e heisse Gig gsi i dr alte Schmitte letscht Frytig. Guete PUR-JAM-Sound, über 100 heissi Lüt u eifach e cooli Party. So fägts Musig z’mache – für Euch – aber o für üs ! Hey allne merci für ds cho. Das mir d’Schmitte zum 13te mal hei dörfe rocke bi usverchouftem Huus – eifach obenuus.

Merci Edi u Eva Geissler u em Schmitte-Team für öie Iisatz u – hoffentlich bis nächscht Jahr im Novämber.

Aber nach em Konzärt isch o geng vor em Konzärt u mir freue üs, dass mir im legendäre Chrüz Allmendingen am 3. Dezämber 2016 zum 2te Mal zum Chlouse Rock dörfe ufschpile…..bi Mosers Tom u Claudia, wei mir dä Rock zum Chlousesack uslah – Ho ho ho! Auso a alli wo letscht Frytig nid hei chönne drbii sii – u die wo drbii si gsii – u die wo üs no nie ghört hei u…..ja überhoupt eifach a alli. Jitz isch d’Glägeheit das Chrüz eis z’fülle. Chömet eifach! Platz isch gnue nid nume für Chlöis u Chlöisinne.

Wo: Restaurant Kreuz Allmendingen / Dörfli-Bar
Wenn: Samschtig 3. Dezämber 2016
Türöffnig ab: 20:00 Uhr
Gigstart: 21:00 Uhr
Iitritt: ab 18 Jahr, CHF 20.- inkl. Welcome Drink

Ticket Reservatione per Telefon: 079 279 96 36 oder 033 336 80 60

Mir fröie üs uf ne groovige Chlouserock…..see you there!

PUR – JAM / dl