Hi Folks,

Mir luege zrügg uf e Frytig Aabe wo mir zum 12te Mal hei dörfe Fullhouse fiire i dr Alte Schmitte z’Steffisburg. So wi dr lang ersehnt Räge i Schtrööme vom Himmu gheit isch – fasch e so hets ir Schmitte vo dr Tili tropfet. U Lüthi Dänu isch einisch meh schier usglüffe…..Ja ke Wunder we Dir üs so aafüüret u mir Euch so iiheize. Nei im Ärnscht – dä Gig isch ume eis obeuus gsii u üsi „Emi Bassbabe“ het e satte Bode gleit bi Ihrem Iischtand. Mir säge merci allne wo drbii si gsii – üsem Benny Wyder am Mischpult – u natürlech a dr ganze Schmitte Crew.

Aber nach em Konzärt isch o geng vor em Konzärt u mir freue üs, dass mir im legendäre Chrüz Allmendingen am 5. Dezämber 2015 zum Chlouse Rock dörfe ufschpile…..bi Mosers Tom u Claudia, wei mir dä Rock zum Chlousesack uslah – Ho ho ho! Auso a alli wo am Frytig nid hei chönne drbii sii – u die wo drbii si gsii – u die wo üs no nie ghört hei u…..ja überhoupt eifach a alli. Jitz isch d’Glägeheit das Chrüz eis z’fülle. Chömet eifach! Platz isch gnue nid nume für Chlöis u Chlöisinne.

Wo: Restaurant Kreuz Allmendingen / Dörfli-Bar
Wenn: Samschtig 5. Dezämber 2015
Türöffnig ab: 20:00 Uhr
Gigstart: 21:00 Uhr
Iitritt: ab 18 Jahr, CHF 20.- inkl. Welcome Drink

Ticket Reservatione per Telefon: 079 279 96 36 oder 033 336 80 60

Mir fröie üs uf ne groovige Chlouserock…..see you there!

PUR – JAM / dl