Hey Folks,

No grad 3 Wuche geits u de chöi mer ume einisch Merlige rocke…..yeah! Es isch doch no jedes Jahr z‘ PUR-JAM Highlight gsii – mit ganz spezielle Gäscht wo uf z’mal spontan uf dr Bühni stöh…..i dänke da a letscht Jahr. Gäu Polo? Mir freue üs uf ne super schöne Aabe im AHOI Badi-Bistro ir Badi z’Merlige.

We mir die letschte Jahr ou e chli e dürzogni Wätterbilanz hei gha, so isch für dasmal eifach nume Sunne aagseit – am Himmu, i de Gringe u o i dä Härzleni….. Äs geit los am Samschtig am 15. Auguscht ab de 7ni am Aabe i dr Badi z’Merlige. Grilladene gits vo dr Metzgerei Brand u di feine Drinks u ds chüele Bier vom Badi Bistro.

Choschte tuet dr Itritt 15 Franke.

Vo wäge Parkplätz – da hets nid so viu – aber dr Bus haltet fasch vor dr Badi u wüll ds Konzärt am elfi muess fertig si, chame ou mit em Bus wider Richtig Thun.

Mir freue üs uf Euch „Let’s funk n‘ groove“
PUR – JAM /dl