Liebi PUR – JAM Fründe,

Mir wünsche Euch allne schöni Wiehnachtstäg u hoffe Dir chönnets so richtig gniesse. A propos gniesse…. Mir heis o gnosse, das 2014 u es het dr Band einisch meh Veränderige bracht. Aber we es Türli zue geit göh ufzmal wider zwöi neui uf – so isch es üs vorchoo. Mittlerwile hei mir e Bsetzig wo mer vor 2 Jahr nume drvo hätte chönne tröime. Aber alls zu sire Zyt.

Jitz weimer das alte Jahr no einisch e so richtig la usrocke….

Wo: Im Ratsstübli z’Thun bi Reto Bürki u sinere Crew
Wen: Mittwuch 31. Dezember 2014
Zyt: Türöffnig ab 20 Uhr mit Musig vom DJ u ab 22 Uhr mit „PUR – JAM“ live

Äs isch Freinacht u z’Ratsstübli het bis am Morge früeh offe. Übrigens…mir hei de no öpper z’Bsuech e „Very Special Guest“.

Tickets chöit dr im Ratsstübli a dr Bar ga choufe. Für Fr. 30 isch es Raclette u nes Mitternachtscüpli inbegriffe. A dr Aabekasse choschtets de Fr. 36. Aber Achtung! Es chönnt de bis denn scho usverchouft sii. Also nüt wi ab i ds Stübli ga es Ticket hole.

U de fröie mir üs mit Euch chönne Silvester z’fiire mit Rock Blues u Funk. D‘ Party isch garantiert u es paar neui Songs o no grad.

Bis glii
PUR – JAM / dl