Hey liebi PUR-JAM Fründe,

I weiss äs isch z‘ lang ruehig gsy um üs.
Zersch het üs dr Covid Chäfer ds Üebe verunmüglechet u när sy anderi unerwarteti „Operatione“ drzwüsche cho.
Aber jitz sy mer syt Juli ume a d‘ Säck resp. a üsi Inschtrumänt u hole nache was mer versuumet hei.
So, dass mer für üse nächscht Gig parat sy u dä isch scho gly.

Üsi Blues- u Rocknight findet ou das Jahr im Bedli z’Gunte statt.
Auso Lüt, äs isch Summer u Zyt für di 14. Blues & Rocknight mit PUR-JAM im Bedli z’Gunte.

Wo: Strandbad Hirschen, Seestrasse 82, 3654 Gunten/BE

www.bedli-gunten.ch
Datum: Frytig 2. September 2022
Zyt: ab 18.00 – 02.00 Uhr
Konzärt ca. 20.00 – 0.00 Uhr
Tickets: a dr Abekasse z’choufe
Reservatione: per E-Mail bedli@elcamino.ch

Eintritt: Fr. 20.- (Kinder bis 16 Jahre gratis)

Parkplätz het’s bim Hirsche oder im Riedli hinde u d’Bushaltstell isch grad bim Bedli.

Viele Dank im Voruus am Bedli Pächter Urs Leuenberger & Team dass mir üses Jahres Highlight bi Euch i derä coole Location dörfe dürefüehre.
Mir freue üs uf nes guet gfüllts Bedli u druuf das mer’s ume eis so richtig chöi la chrache.

See you am See…u vergässet d´Badhose nid!

Rockig- bluesig-funkigi Grüess
PUR – JAM / dl