Hey folks!
Lieber spät als nie – hie no üses Feedback zur PreRide vom 2. Mai 2013. Allne zäme merci viumau für ds Mitmache u ds cho.

Bsunders em Heinz von Gunten für sini gschpürigi Hammond bim „Whiter shade of pale“ u am Bruno Kyburz für sini Super Saxsolis u natürlech em Übermixer Phippu Schneebärger für dä guet Sound.

Leider isch dr Wättergott däm Event das Jahr nid e so guet gsinnt gsii u hets zersch lah Ping Pong Bäueli hagle u när la schiffe das me gmeint het, die heige da obe es Pissoir u kes Paradiesli. Grad für ne Benefiz Aalass wünscht me sech o für d’Veraschtalter, dass es super Wätter git u sehr vil Lüt. Statt 3000 si so du halt nume öppe 300 cho.

Trotzdäm – alli 3 Bands hei es reduzierts Programm chönne dürezieh u mir hei dr Plousch gha.

Danke dä Edelweiss Riders u em OK – mir wünsche Euch für nächschts Jahr vor allem eis – Prima guets super Wätter.

Dänu Lüthi
PUR – JAM

Bildergalerie → Pre Ride Thun 2.5.2013

Veranstaltung → Konzert vom 2.5.2013 am Pre Ride Thun