Liebi PUR-JAM Fründe,

Am Frytig 1. Dezämber am „Chlouserock“ hei mir ds Chrüz Allmedinge zum dritte Mal dörfe rocke – u das het eifach nume gfäderet u gmotoret. Mir bedanke üs bi Claudia u Tom Moser u em Chrüz Team für ds Engagement u Di super Betreuuig. Mit üsem Bläsersatz-Schriber Rolf Häsler am Bari-Sax u dr Rockröhre Silvia Thierstein als Special Guests hets vei e chli möge Bode gäh. Aber z‘ wichtigschte amene Gig sit Dir alli – üses Publikum wo mit üs e Bandparty gfiiret het. Mir hoffe es het allne gfalle u mir chöme gärn ume eis i ds Chrüz cho powerä! Jitz hei mir grad e 3 wüchigi Gigpouse u für die wünsche mir Euch allne schöni Wiehnachtstäg u hoffe Dir chönnets so richtig gniesse. A propos gniesse…..Mir heis o gnosse, das 2017 mit u vor allem wäge Euch.

De wei mer doch de das alte Jahr zäme no einisch e so richtig la usrocke…..aber wo ?

Wo:
Barfest Höfen
Mehrzweckgebäude
Stockhornstrasse 6
CH-3631 Höfen

Wenn:
Frytig 29. Dezember 2017
Türöffnig ab 20.30 Uhr
Dr Itritt isch 15 Fränkli u es geit öppe bis am Morge am eis.

Organisator:
Feldschützen Höfen

U de fröie mir üs mit Euch no einisch abz’rocke – also chömet alli uf Höfen.

See you! PUR – JAM / dl