Liebi PUR-JAM Fründe,
Am Samschtig 3. Dezämber am „Chlouserock“ hei mir ds Chrüz Allmedinge zum zwöite Mal dörfe rocke — u das het eifach nume gfäderet u gmotoret. Trotz Honky Tonk u Elvis Night hei doch vil PUR-JAM Fans dr Wäg i ds Chrüz vorzoge….. Mir bedanke üs bi Claudia u Tom Moser u em Chrüz Team für ds Engagement u Di super Betreuuig. Das üs üse Bläsersatz-Schriber Rolf Häsler us Interlake als Special Guest mit Bariton-Sax chunnt cho understütze isch e bsungeri Ehr. Är het sogar äxtra e 3ti Schtimm gschribe zu 18 vo üsne Songs. Aber z’wichtigschte amene Gig sit Dir alli — üses Publikum wo mitgschwoofet, gsunge u mit üs e Bandparty gfiiret het. Mir hoffe es het allne gfalle u mir chöme gärn ume eis i ds Chrüz cho powerä!
Jitz hei mir grad e 2 wüchigi Gigpouse u für die wünsche mir Euch allne schöni Wiehnachtstäg u hoffe Dir chönnets so richtig gniesse. A propos gniesse…..Mir heis o gnosse, das 2016 mit u vor allem wäge Euch.
De wei mer doch de das alte Jahr zäme no einisch e so richtig la usrocke….. aber wo?
Wo: Grossi Silvester Party im Ratsstübli z’Thun bi Reto Bürki u sinere Crew
Wen: Samschtig 31. Dezember 2016
Zyt: Türöffnig ab 20 Uhr mit Musig vom DJ u ab 22 Uhr mit PUR – JAM live
Äs isch Freinacht u z’Ratsstübli het bis am Morge früeh offe.
Tickets chöit dr im Ratsstübli a dr Bar für Fr. 36 ga choufe (Welcome Drink, Buffet u Neujahrscüpli inklusive). A dr Aabekasse choschtets de 45 Fr. Aber Achtung! Es chönnt de bis denn scho usverchouft sii. Also nüt wi ab i ds Stübli ga es Ticket hole.
U de fröie mir üs mit Euch chönne Silvester z’fiire mit Rock Blues u Funk.
See you
PUR – JAM / dl
